Atleta di aña
Atleta di aña

Maximo Rufino Paula

Maximo Rufino Paula,

mihó konosí komo Max, a nasé dia 30 di yüli 1933.

 

Kasa for di aña 1963 ku Sunilda Paula-Pieternella i tata di Shannigan, Abigail y Shadforth. E ta abuelo di A’ishah, Shannigan y A’mir.

 

Max a práktika e deportenan di futból , vòlibòl i tènis.

Ku 14 aña Max tabata kiper di Atletiko Oriental di Mari Pampoen den B klase i despues kiper pa Sithoc. Max tabata un di e mihó kipernan di pariba di brug, e tabata konosí pa su kurashi.

 

Aki ta siguí Max su aktividatnan den deporte:

 

1963:   Max a kuminsá praktiká vòlibòl den e ekipo maskulino di     T.O.P.  i tabata trein e            ekipo femenino di T.O.P. ku kual el   a bira kampion di Kòrsou na 1963.

Max ta para na kuna di e ekipo femenino di Montaña Valuas i tambe entrenador. Ku e ekipo aki e la titulá kampeon di kampeon klase A na 1963, promové pa klase superior i titulá Kampeon di Kòrsou na 1964, 1965, 1966.

 

1964:   I tambe 1965 Max tabata entrenadó di e selekshon di vòlibòl femenino di    Kòrsou/Antia i tabata forma parti di direktiva di NAVOBO.

 

1970:   Max a drenta direktiva di S.O.V. Asiento i ta terminá komo presidente di klup na   añanan 90.

 

1971:   Max a drenta C.L.T.B. (Curaçao Lawn Tennis Bond), komo komisario hubenil y    ta terminá komo Presidente den ana   nan , durante su periodo den C. L. T. B., ela                bishita tur torneo internashonal den área di Caribe y Centro America entre nan      Weganan Centro Americano y Pan Americano, pa mas ku 20 aña   ku delegashon nan hubenil i senior.

 

1972:   Bou di guiá di Max e promé ekipo húbenil di Kòrsou a partisipá na Jitic (Juegos     Infantil de Tenis Centro Américano y del Caribe).

 

1974:   Max ta drenta den direktiva di Komité Olímpiko Antiano, kaminda e la biaha          na diferente okashon komo chef di mishon (Cuba i Colombia) pa weganan            Centro Americano.

                  Jitic (Juegos Infantil de Tenis Centro Américano y del Caribe) ta wòrdu organisá

pa promé biaha na Kòrsou bou di guia di Max.

 

1975:   Max ta wòrdu eligí komo komisario den e promé NALTB, konsistiendo di Aruba, Boneiru i Kòrsou.

 

1975:   Komo hefe di delegashon di tènis Max ta biaha pa Sürnam durante e di 10   weganan di Reino.

 

1975:   Pa su desempeño den tènis, Max ta risibí un rekonosimentu di parti di  C.S.F.        (Curaçaose Sport Federatie).

 

1977:   Max ta wòrdu elegí komo tesorero di N.A.O.C.

 

1978:   Komo chef di mishon Max ta biaha pa Juegos Centro Américano  y del Caribe na   Medellín, Colombia.

 

1979:   Max ta wòrdu eligí komo presidente di N.ATF i ta keda na e puesto aki te aña      1999, esta 20 aña. Durante e periodo ku Max a presidí NATF tabata tin torneo nan   internashonal   manera Kopa Malboro, “The Miller Tennis Tournament of             Champions” y             Triangle Tennis Tournament, kaminda hungadó nan lokal por a          kompetí riba nivel internashonal.

 

1979:   Max ta fungi un bes mas komo chef di mishon na Juegos Panaméricano na Cuba.

 

1981:   Ta bolbe eligí Max komo tesorero di N. A. O. C.

 

1985:   Max huntu ku Hilberto “Betto” Thomas, Max su sekretario             pa bida, ku otronan a fundá Fundashon Kopa Iyo Pimentel             y ta organisá e promé Kopa Iyo Pimintel

 

1988:   NATF bou di direkshon di Max ta apliká pa bira ful             miembro di T. F.         (International Tennis Federation)

 

1990:   Max ta risibí kondekorashon real komo “Ridder in de Orde van Oranje Nassau” pa su trabou deportivo i tambe komo    profeshonal.

 

1994:   Max ta keda eligí komo vice presidente di COTECC (Confederación de Tenis de    Centro América y del Caribe).

 

1995:   Max ta risibí plaka di mérito di C.S.F. komo dirigente atministrativo.

 

1997:   NATF ta bira ful miembro di ITF despues di 10 aña ku a apliká.

 

1997 te ku 2001 miembro di NAOC un biaha mas.

 

1998:   Bou di guia di Max, Kòrsou ta partisipá na e promé Davis Cup. Esaki ta e logro     mas grandi ku un  persona por logra   pa su pais den             tènis internashonal.

 

1999:   Aki Max ta terminá su karera deportivo internashonal komo presidente di NATF i             tambe komo miembro di direktiva di COTECC

 

2005:   Max ta organisá e último Kopa Iyo Pimentel , kual torneo a wòrdu organisá            pa 20 aña konsekutivo i alabes ta retirá for    di organisashon nan deportivo aktivo.

 

Banda di tabata dirigente deportivo Max mes tabata un ferviente hungadó di tènis i a kompetí y práktika tènis te ku aña 2010 kaminda pa motibu di salú e la stòp di práktika e deporte.

 

Esaki ta Max, un hòmber impreshonante ku un karera deportivo aun más impreshonante.